ЗША цяпер не даюць Украіне ніякай дапамогі ў галіне абароны, заявіў амерыканскі прэзідэнт Дональд Трамп журналістам у Белым доме. Трансляцыю вёў тэлеканал Fox News.
“Прама цяпер мы не даём нічога”, – сказаў ён, адказваючы на адпаведнае пытанне.
Акрамя таго, мірнае пагадненне, якое распрацоўваецца Трампам, “не будзе ўключаць гарантыі вайсковай дапамогі або абавязак ЗША ў адпраўцы амерыканскага персаналу ва Украіну”. Пра гэта піша Wall Street Journal.
ЗША таксама не плануюць забяспечваць ваенную падтрымку для брытанскіх і французскіх міратворцаў, якія могуць быць накіраваныя ва Украіну пасля заключэння мірнага пагаднення, паведамляе выданне.
Беларускае Радыё Рацыя
