Сёлета (2025) мастаку з Гайнаўкі Віктару Кабацу споўнілася 90 гадоў жыцця і 70 гадоў мастацкай творчасці. Народжаны ў Міхнаўцы, невялічкай мясціне на паўночна-заходняй ускраіне Белавежскай пушчы. Сваю творчасць накіраваў на папулярызацыю першабытнасці пушчы, яе прыгажосць і вартасць. Але не абмінаў і тэмаў, якія звязаны з беларушчынай, лёсам нашай меншасці на Беласточчыне, як для прыкладу уплыву Семяноўскага заліву на жыццё мясцовых беларусаў, але і наагул лёсам беларускага народу, як хаця бы Курапатаў – месца гібелі соцен тысяч людзей.
Беларускае Радыё «Рацыя» запрашае на рэтраспектыўны рэпартаж Юркі Ляшчынскага – «Дубы, пэндзлікі і крыжы -зачараваны свет Віктара Кабаца».
