Пасля падзей 2020 года з Беларусі выехалі тысячы сем’яў. Разам з бацькамі краіну пакінулі і падлеткі, якім асабліва цяжка адаптавацца ў новай краіне. Новая мова, іншае асяроддзе — усё гэта патрабуе часу і сіл, каб адчуць сябе “сваім”. Аднак ёсць месца, дзе гэта магчыма. Гэта — тэатральная студыя Аляксандра Енджэеўскага. Менавіта гэтая прастора стала месцам сустрэчы, падтрымкі і творчасці для беларускіх і ўкраінскіх падлеткаў, якія цяпер разам спрабуюць наноў збудаваць свой згублены свет.
