Лукашэнкаўскі рэжым у мінулым годзе часткамі вызваляў палітвязняў і тым самым пазбаўляўся ад нязгодных, вывозячы іх за мяжу. Апошняя група складалася з 123 чалавек, сярод якіх быў Нобелеўскі лаўрэат, праваабаронца Алесь Бяляцкі, вядомыя палітыкі – Павел Севярынец, Марыя Калеснікава, Віктар Бабарыка.
Але шматлікія палітвязні такое вызваленне ўспрымаюць як выдварэнне з краіны. Пазбегнуць гэтага змог толькі Мікалай Статкевіч, які супрацьстаяў вывазу за мяжу. Але вынік гэтага – некалькі месяцаў чарговага інкамунікада.
