Арына Сабаленка другі раз запар выйграла Australian Open, паведамляе Міністэрства спорту і турызму Беларусі.
У фінале адкрытага чэмпіянату Аўстраліі ў Мельбурне яна перамагла кітаянку Чжэн Цыньвэнь з лікам 6:3, 6:2.
Такім чынам, яна абараніла тытул і другі раз у кар’еры выйграла турнір серыі “Вялікага шлема”.
У 2012 і 2013 гадах турнір выйгравала Вікторыя Азаранка.
Аднак Сабаленка не верне сабе званне першай ракеткі, бо яна толькі абараніла леташнія 2000 ачкоў. Да Ігі Свёнтэк — 865 ачкоў.
У нядзелю ў фінале мужчынскага турніру згуляюць Янік Сінер (Італія) і Данііл Мядзведзеў (Расея). Букмекеры ставяць на італьянца.
