Пасля таго як Міжнародны паралімпійскі камітэт дазволіў расейскім і беларускім спартсменам удзельнічаць у сёлетніх зімовых Паралімпійскіх гульнях пад сцягамі сваіх краін, Літоўскае нацыянальнае радыё і тэлебачанне абвясціла, што не будзе трансляваць цырымонію адкрыцця Гульняў. Пра гэта піша Delfi.
«Мы не можам пагадзіцца з рашэннем Міжнароднага паралімпійскага камітэта дазволіць расейскім і беларускім спартсменам выступаць пад сваімі сцягамі і далучаемся да ініцыятывы балтыйскіх вяшчальнікаў не трансляваць цырымонію адкрыцця», — сказаў намеснік генеральнага дырэктара грамадскага вяшчальніка Гіціс Аганаўскас.
Цырымонію таксама не будуць трансляваць грамадскія вяшчальнікі Латвіі, Эстоніі і Фінляндыі.
Літоўская дэлегацыя таксама не будзе ўдзельнічаць у цырымоніі адкрыцця. Паралімпійскі камітэт Літвы выступіў з заявай, у якой адзначаецца, што агрэсарам не месца на Гульнях.
Зімовыя Паралімпійскія гул ьні пройдуць з 6 да 15 сакавіка ў тых жа лакацыях поўначы Італіі, дзе праходзіла Алімпіяда.
Беларускае Радыё Рацыя
