Беларусь засталася на 52-м месцы ў табліцы каэфіцыентаў УЕФА і пазбавілася магчымасці выстаўляць чатыры клубы ў еўракубках у сезоне 2026/27. У цяперашнім еўрасезоне беларускія клубы набралі сумарна 1,875 балаў, што не дазволіла дасягнуць 50-га месца, якое займае Грузія. У сезоне 2026/27 Беларусь будуць прадстаўляць толькі тры клубы:
- чэмпіён 2025 года згуляе ў стартавым раўндзе Лігі чэмпіёнаў;
- срэбраны прызёр і ўладальнік Кубка (ці бронзавы прызёр, калі Кубак выйграе адна з першых двух каманд) пачнуць выступы ў першым кваліфікацыйным раўндзе Лігі канферэнцый.
Гэта азначае звужэнне магчымасцяў для беларускіх клубаў на міжнароднай арэне.
Ліянэль Месі можа дэбютаваць у ангельскай Прэм’ер-лізе
Нападнік «Інтэр Маямі» Ліянэль Месі, магчыма, пяройдзе ў «Манчэстэр Сіці». Як паведамляе Tuttosport, галоўны трэнер «гараджан» Хасэп Гвардыёла зацікаўлены ў арэндзе аргенцінца да канца сезона для паляпшэння вынікаў каманды. Уласнік «Інтэр Маямі» Дэвід Бэкхэм гатовы адпусціць Месі, калі той захоча паспрабаваць сябе ў Англіі. Ліянэль Месі перайшоў у «Інтэр Маямі» ўлетку мінулага года з ПСЖ. У 39 матчах за амерыканскі клуб ён забіў 34 галы і зрабіў 19 выніковых перадач.
Беларускія хакеісты няўдала згулялі ў НХЛ
У чарговых матчах рэгулярнага чэмпіянату НХЛ беларусы не змаглі вызначыцца. Ягор Шаранговіч у складзе «Калгары» правёў на лёдзе 15 хвілін у матчы супраць «Атавы», які яго каманда прайграла ў авертайме — 2:3. Форвард зрабіў тры кідкі і выйграў два ўкідванні, але не набраў ачкоў. Шаранговіч застаецца без выніковых дзеянняў з 3 снежня. У гэтым сезоне ў яго 26 матчаў, 6 забітых шайбаў і 2 выніковыя перадачы пры паказчыку карыснасці -11.
Брамнік Алексей Колосаў, які выступае за «Філадэльфію», прапусціў шэсць шайбаў у гульні супраць «Лос-Анджэлеса» — 3:7. У гэтым матчы ён адбіў 20 кідкоў за 58 хвілін на лёдзе. У сезоне на рахунку Колосава 11 матчаў, 4 перамогі, а працэнт адбітых кідкоў складае 87,81%.
Беларускі гросмайстар Лазавік заняў пятае месца ў шахматным Турніры чэмпіёнаў
Беларускі гросмайстар Дзяніс Лазавік скончыў выступленні ў фінале міжнароднага турніру Champions Chess Tour 2024 у Осла, заняўшы пятае месца. Па выніках кругавога этапу Лазавік прайшоў у плэй-оф, дзе перамог француза Максіма Ваш’е-Лаграва, але пазней прайграў расейскаму шахматысту Яну Няпомняшчаму і зноў саступіў у матчы за выхад у наступную стадыю. Летась Дзяніс Лазавік заняў восьмае месца ў фінальным этапе гэтага ж турніру. Фінал Тура чэмпіёнаў адбудзецца ў суботу. За перамогу пазмагаюцца Магнус Карлсэн з Нарвегіі і Алірэза Фіруджа з Францыі.
Ёханэс Бо ўмацаваў лідарства ў агульным заліку Кубка свету па біятлоне
Нарвежскі біятланіст, пяціразовы алімпійскі чэмпіён Ёханэс Бо заваяваў срэбра ў спрынце на трэцім этапе Кубка свету ў французскім Ансі і ўмацаваў сваё лідарства ў агульным заліку сезона. Пераможцам гонкі стаў 23-гадовы нарвежац Марцін Улдал, які цяпер займае 11-е месца ў барацьбе за «Вялікі хрустальны глобус».
Беларускае Радыё Рацыя
