Былая беларуская палітзняволеная Марыя Бабовіч увайшла ў склад зборнай Польшчы па футболе сярод эмігрантаў, якая 15 кастрычніка выступіла на міжнародным турніры Unity Euro Cup у Нідэрландах, піша Most.
Unity Euro Cup — футбольны турнір, арганізаваны сумесна УЕФА і Упраўленнем Вярхоўнага камісара ААН па справах бежанцаў. Яго мэта — інтэграцыя бежанцаў у мясцовыя супольнасці праз спорт. Гульні праходзяць у фармаце 7 на 7: кожная каманда складаецца з сямі бежанцаў і чатырох прадстаўнікоў краіны, якая іх прымае, пры гэтым у складзе павінна быць не менш за тры жанчыны.
Сёлета турнір праходзіў з 14 па 16 кастрычніка, у ім удзельнічалі 18 каманд. У складзе зборнай Польшчы, акрамя палякаў, выступаюць прадстаўнікі Афганістана, Сірыі і Беларусі.
Беларускае Радыё Рацыя
