Зборная Беларусі па пляжным футболе другі раз запар заваявала бронзавыя ўзнагароды ў Суперфінале Еўралігі.
Фота: pressball.by
Сёння ў італьянскім Альгера ў матчы за трэцяе месца беларусы разграмілі каманду Іспаніі з вынікам 6:1.
У вырашальным паядынку за золата дзейныя чэмпіёны Еўралігі італьянцы будуць адстойваць свой тытул у гульні з партугальцамі.
Учора ў паўфінале беларусы прайгралі Партугаліі з буйным лікам 3:7, а гаспадары турніру адолелі іспанцаў у дадатковы час — 4:3.
Цяпер беларускія падапечныя іспанскага трэнера Нікласа Альварада будуць рыхтавацца да адборавага турніру чэмпіянату свету, які пройдзе з 4 па 13 кастрычніка ў іспанскім Кадысе.
