Беларускія хакеісты Ягор Шаранговіч і Ілля Салаўёў не дапамаглі свайму «Калгары» пазбегнуць паразы ў матчы супраць «Тампы-Бэй». Каманда прайграла з лікам 0:3. 26-гадовы Шаранговіч гуляў у трэцім звяне і правёў на лёдзе больш за 16 хвілін, зрабіў адзін кідок і заблакаваў тры атакі супернікаў. 24-гадовы Салаўёў, які выступае ў абароне, атрымаў 15 хвілін гульнявога часу, таксама адзначыўся кідком і правёў адзін сілавы прыём. У гэтым сезоне на рахунку Шаранговіча 51 матч і 22 балы (11+11), а Салаўёў пакуль згуляў толькі ў чатырох гульнях, зарабіўшы адну выніковую перадачу.
У Берасці стартуе барацьба за плэй-оф хакейнай Betera-Экстралігі
Сёння пачынаецца серыя плэй-ін у беларускай хакейнай Betera-Экстралізе. У першым матчы «Брэст», які заняў 7-е месца ў «рэгулярцы», сустрэнецца са «Славуцічам» са Смаленска, які фінішаваў на 10-й пазіцыі. Гульня адбудзецца на лёдзе «Брэсцкага Лядовага палаца», пачатак у 19:00. Паводле прагнозаў букмекераў, шанцы каманд на перамогу даволі роўныя.
«Нёман» узмацняе атаку: у складзе каманды – афрыканскі паўабаронца
Гарадзенскі «Нёман» падпісаў Ісаака Нгому – атакуючага паўабаронцу з Цэнтральна-Афрыканскай Рэспублікі. Да пераезду ў Беларусь футбаліст выступаў за камерунскі клуб «Бамбутас». Нгома мае досвед гульні за маладзёжную і нацыянальную зборныя ЦАР. У яго актыве 4 матчы і 1 гол за моладзь, а таксама 14 паядынкаў і 3 забітыя мячы за галоўную каманду краіны.
Індыйскі футбаліст на праглядзе ў БАТЭ: магчымы трансфер у беларускі клуб
Барысаўскі БАТЭ можа ўзмацніць склад футбалістам з Індыі. 22-гадовы абаронца Абніт Бхарці, які раней гуляў у маладзёжных камандах іспанскага «Вальядаліда», далучыўся да трэніровак беларускай каманды. Апошнім клубам індыйца быў чэшскі «Варнсдорф», які выступае ў другой лізе краіны. Таксама ў першай палове сезона 2024/25 Бхарці абараняў колеры аргентынскага «Соль дэ Майо» ў трэцім дывізіёне. Ці стане Бхарці паўнавартасным гульцом БАТЭ, пакуль невядома – кіраўніцтва клуба прымае рашэнне па выніках прагляду.
Кіміх можа пакінуць «Баварыю»: «Арсенал» зрабіў афіцыйную прапанову
Адзін з лідараў мюнхенскай «Баварыі» Ёзуя Кіміх можа перайсці ў англійскую Прэм’ер-лігу. Паводле нямецкага журналіста Флорыяна Плетэнберга, 30-гадовы паўабаронца атрымаў афіцыйныя прапановы ад «Арсенала» і яшчэ аднаго неназванага клуба. Кантракт Кіміха з «Баварыяй» дзейнічае да чэрвеня 2025 года, і мюнхенцы гатовы прапанаваць яму новае пагадненне да 2028-га з гадавой зарплатай ад 20 да 22 мільёнаў еўра да выплаты падаткаў. Гулец ужо паведаміў клубу пра цікавасць іншых каманд, аднак пакуль працягваюцца перамовы аб магчымым падаўжэнні супрацоўніцтва з «Баварыяй».
Беларускае Радыё Рацыя
