Праграму другога тура на першынстве завяршаў матч у Кёльне паміж Бельгіяй і Румыніяй. Сустрэча атрымалася вельмі напружанай і яркай адначасна. У выніку перамогу 2:0 святкавалі бельгійцы, якія выдалі адну з лепшых сваіх гульняў за апошні час. Румыны таксама змагаліся зацята, іх не збянтэжыў экспрэс-гол супернікаў. Але ўрэшце больш высокі клас суперніка ўзяў сваё.
Зноў фатальна не шанцавала Рамелу Лукаку, чарговы яго гол анулявалі з-за мікраскапічнага афсайду. Затое вызначыўся капітан – Кевін дэ Бройнэ – 28-ы гол за зборную.
Бельгія – Румынія – 2:0 (Юры Тылеманс, 2-я, Кевін дэ Бройнэ, 80-я)
Сітуацыя ў квартэце Е склалася надзвычай цікавая. Усе каманды набралі па 3 ачкі і не выключана, што пасля апошняга туру ўсе будуць мець па 4. Тады “уключацца” дадатковыя паказнікі. А пакуль табліца выглядае так:
1. Румынія – 3 ачкі (мячы 3-2)
2. Бельгія – 3 ачкі (мячы 2-1)
3. Славакія – 3 ачкі (мячы 2-2)
4. Украіна – 3 ачкі (мячы 2-4)
