У рамках турніру ITF-100 у Дубаі беларуска Алена Фалей у двух сэтах прайграла ў 1/16 фіналу прадстаўніцы Вялікабрытаніі Джодзі Брэйрэйдж 2:6, 4:6.
У турніры ITF-35 у Італіі Яна Каладынска таксама ў 1/16 фіналу саступіла ўраджэнцы Сербіі Міі Рысціч 4:6, 3:6.
Футбалісткі зборнай Беларусі выйгралі другі спарынг у Ташкенце
Беларускія футбалісткі выйгралі другі кантрольны матч у каманды Узбекістана. У Ташкенце нацыянальная зборная Беларусі перамагла з буйным лікам 3:0. Мячы забілі Валерыя Белая, Вікторыя Валюк і Карына Альховік. У першым спарынгу ва ўзбекскай сталіцы падначаленыя Юрыя Малеева перамаглі – 1:0. Адзіны гол забіла Ганна Казюпа. Сезон жаночага футбола ў Беларусі яшчэ не завершаны. Пасля вяртання з Узбекістана прадстаўніцы сталічнага “Дынама-БДУФК” і “Мінска” будуць рыхтавацца да галоўнага паядынку чэмпіянату краіны – 7 снежня гэтыя каманды сустрэнуцца ў матчы за залатыя медалі.
Найлепшым гульцом менскага “Дынама” у лістападзе прызнаны Вадзім Пігас
Найлепшым гульцом менскага “Дынама” ў лістападзе галасаваннем заўзятараў прызнаны абаронца Вадзім Пігас. Футбаліст прыняў удзел ва ўсіх лістападаўскіх матчах “бела-сініх”, а ў гульні супраць БАТЭ адзначыўся “залатым” голам, які прынёс сталічнай камандзе чэмпіёнства ў гэтым сезоне.
Варшаўская “Легія” аштрафавана па выніках матча з менскім “Дынама”
Саюз еўрапейскіх футбольных асацыяцый (УЕФА) аштрафаваў варшаўскую “Легію” за паводзіны заўзятараў падчас матча з менскім “Дынама”. Прадстаўнікі УЕФА ўгледзелі ў паводзінах фанатаў каманды з Варшавы “крычалкі і банеры, якія не маюць дачынення да матчу Лігі канферэнцый з “Дынама”. Сума штрафу, які павінен выплаціць польскі клуб – 17,5 тысяч еўра.
Сэр Алекс Фергюсан заняў трэцяе месца ў рэйтынгу найлепшых трэнераў 21 стагоддзя
Галоўны трэнер «Манчэстэр Сіці» Хасэп Гвардзьёла ўзначаліў рэйтынг з 25 найлепшых трэнераў свету ў XXI стагоддзі па версіі партала Goal. Трэнер мадрыдскага “Рэала” Карла Анчалоці на другім месцы, Алекс Фергюсан, які трэніраваў «Манчэстэр Юнайтэд» на трэцім, трэнер “Фенербахчэ” на чацвёртым і Юрген Клоп, які трэніраваў “Ліверпуль” на пятым месцы.
Беларускае Радыё Рацыя
