Польская тэнісістка Іга Свёнтэк выйграла самы прэстыжны і найстарэйшы тэнісны турнір – яна стала чэмпіёнкай Уімблдона.
Фота: Associated Press
У фінале Свёнтэк перамагла амерыканку Аманду Анісімаву (№12 WTA). Паядынак доўжыўся менш за гадзіну. Полька не аддала саперніцы ніводнага гейма – 6:0, 6:0.
Іга стала першай полькай, якая выйграла гэты турнір. Узнагароду яна атрымала з рук прынцэсы Кэйт.
У цэлым гэта яе шостая перамога на турнірах роўня Grand Slam. Іга таксама чатыры разы трыумфавала на Roland Garros і адзін раз перамагла на US Open.
