Беларускі спецыяліст Ігар Крывушэнка стане новым галоўным трэнерам БАТЭ, паведаміў журналіст Мікалай Хадасевіч. Мінулым клубам Крывушэнкі было берасцейскае «Дынама», дзе спецыяліст працаваў са снежня 2022 года па красавік 2023 года і ў чатырох матчах чэмпіянату не выйграў ніводнага. Раней на пасаду галоўнага трэнера барысаўскага клуба таксама разглядаўся экс-трэнер «Іслачы» Арцём Радзькоў.
Кашулька Васілюка прададзеная на аўкцыёне за 1401 рубель, сродкі пойдуць у берасцейскае аддзяленне беларускага дзіцячага фонду
Кашулька беларускага экс-футбаліста Рамана Васілюка прададзеная на дабрачынным аўкцыёне за 1401 рубель. Сродкі, атрыманыя з продажу, пойдуць у берасцейскае аддзяленне беларускага дзіцячага фонду, паведамляе Tribuna.
Протас з’яўляецца чацвёртым хакеістам НХЛ па ачках набраных у роўных складах
Беларускі форвард «Вашынгтона» Аляксей Протас з’яўляецца чацвёртым хакеістам НХЛ па ачках, набраных у роўных складах. Беларус аформіў ужо 15 балаў у гульні 5 на 5. Усяго ў сезоне Протас у 30 матчах набраў 16 (3+13) балаў, пры паказніку карыснасці «+4» і 2 хвілінах штрафу. «Вашынгтон» з 39 ачкамі ў 31 сустрэчы ідзе на 7-м месцы ў табліцы Усходняй канферэнцыі.
Менскае “Дынама” падпісала экс-форварда “Айлендэрс”
Танер Фрыц пяройдзе ў менскае “Дынама”. Пагадненне падпісана на два сезоны. 32-гадовы канадскі нападнік ў гэтым сезоне выступаў за “Брыджпарт Айлендэрс” у АХЛ, у 20 матчах набраў 7 (1+6) ачкоў. Усяго ў АХЛ Фрыц запісаў на свой рахунак 233 (71+162) балаў у 359 гульнях. У НХЛ хакеіст гуляў за «Нью-Ёрк Айлендэрс» (2017-2019), правёў 42 матчы ў складзе «Айлендэрс», набраўшы 8 (3+5) ачкоў.
Валейбаліст зборнай Беларусі Бабкевіч можа перайсці ў «Зеніт»
Валейбаліст зборнай Беларусі і расейскага «Факелу» Уладзіслаў Бабкевіч можа перайсці ў «Зеніт СПБ». Дыяганальны выступае за расейскі клуб з 2021-га года, а пачынаў кар’еру ўраджэнец Гародні ў салігорскім «Шахцёры». Цікава, што Бабкевіч не паехаў на выязны матч супраць сваёй былой каманды.
Беларускае Радыё Рацыя
