Чэмпіён краіны сталічнае “Дынама” у заключным туры Mogilev Cup – 2024 мінімальна перайграў «Нёман» — 1:0. Адзінае ўзяцце брамы на рахунку Уладзіміра Хвашчынскага.
Такім чынам, «Дынама” стала недасягальным для канкурэнтаў і заняло ў хуткаплынным турніры першае месца з 9 ачкамі ў актыве.
“Днепр” не пакінуў шанцаў „Гомелю” — 3:0. Такім чынам, гамяльчане завяршылі Mogilev Cup на мінорнай ноце, так і не святкаваўшы ніводнай перамогі.
Раднёнак пакінуў “Астравец”
59-гадовы беларускі спецыяліст Павел Раднёнак пацвердзіў, што не будзе працаваць у гэтым сезоне з першалігавым «Астраўцом». Трэнер ухіліўся ад адказу, чаму супрацоўніцтва атрымалася настолькі хуткаплынным. Ён заклікаў СМІ дачакацца паведамлення ад прэс-службы каманды, павеламляе football.by. Прызначэнне ў “Астравец” спецыяліст, які завяршаў мінулы сезон у якасці трэнера «Энергетыка»-БДУ, атрымаў 3 студзеня. Такім чынам, Раднянок прапрацаваў у сваім новым клубе менш за месяц.
“Сталіца” разграміла “Дынама” у чэмпіянаце па міні-футболе
Сталічны клуб у хатнім матчы не заўважыў на сваім шляху “Дынама” — БНТУ-9:0. «Сталіца ” працягвае лідыраваць у чэмпіянаце з 34 ачкамі пасля 13 матчаў. “Дынама” -БНТУ знаходзіцца на 9-й пазіцыі з 11 ачкамі. Гомельскі БЧ згуляў унічыю з «Мінскам» — 1:1.
Аршанскі “Лакаматыў” саступіў “Юнацтву” у чэмпіянаце Беларусі па хакеі
Чыгуначнікі ў хатніх сценах прайгралі “Юнацтву” – 0:3. Дубль у актыве нападніка Станіслава Кучкіна. “Лакаматыў” размяшчаецца на 9-м месцы з 38 ачкамі, “Юнацтва” — на 5-м з 62 баламі. «Віцебск», які ідзе другім, у хатніх сценах адолеў маладэчанскае «Дынама» — 4:2.
Беларускае Радыё Рацыя
