Менскае «Дынама» сустрэлася з «Ладай» у напружаным матчы ў Тальяці, які завяршыўся паразай беларускай каманды з лікам 4:6. «Зубры» пачалі няўдала – ужо на першай хвіліне прапусцілі шайбу, але хутка адыграліся дзякуючы дакладнаму кідку Віталя Пінчука. Тым не менш, першая трэць завяршылася з лікам 3:1 на карысць гаспадароў.
Другі перыяд быў не менш складаным – «Лада» забіла яшчэ дзве шайбы і павялічыла адрыў да чатырох. Менчукі змаглі аднавіць інтрыгу ў трэцім перыядзе, але часу на канчатковае выратаванне не хапіла. Наступны матч «Дынама» правядзе 28 студзеня супраць чэмпіёна КХЛ – «Металурга» з Магнітагорска.
«Рубон» зноў мацнейшы за «Барысфен»
Віцебскі «Рубон» у сваім чарговым матчы чэмпіянату Беларусі па баскетболе адолеў магілёўскі «Барысфен» – 67:64. Гэта ўжо чацвёртая перамога віцебскай каманды над гэтым супернікам у бягучым сезоне. У той жа дзень «Гродна-93» разграміў «Імпульс-БДУІР» са значнай розніцай у ліку – 102:63. Пасля гэтых матчаў на вяршыні турнірнай табліцы захоўваецца інтрыга: «Барысфен» і «Гродна-93» маюць па 30 ачкоў, а сталічны «МІНСК» ідзе на трэцім месцы з 28 ачкамі.
Непрадказальныя вынікі ў Ангельскай Прэм’ер-лізе
У 21-м туры англійскай Прэм’ер-лігі ў чатырох матчах было забіта 15 галоў. «Ліверпуль» згуляў унічыю з «Нотынгем Форэст» – 1:1, страціўшы ачкі ў трэцім з апошніх чатырох матчаў. «Манчэстэр Сіці» не здолеў утрымаць перамогу над «Брэнфардам»: пасля двух галоў Фодэна гаспадары здолелі вырваць нічыю на апошніх хвілінах – 2:2. «Чэлсі» і «Борнмут» таксама разышліся мірам – 2:2, а «Вэст Хэм» у выніку напружанага супрацьстаяння перамог «Фулхэм» – 3:2.
Чэмпіянат свету па гандболе стартуе з прадказальных вынікаў»
Пачаўся мужчынскі чэмпіянат свету па гандболе 2025 года, які праходзіць адразу ў трох краінах – Даніі, Нарвегіі і Харватыі. У першых матчах турніру Італія ўпэўнена перамагла Туніс з лікам 32:25, а Францыя без асаблівых цяжкасцяў разграміла Катар – 37:19. Турнір працягнецца да 2 лютага.
Беларускае Радыё Рацыя
