У Парыжы святкаванне перамогі футбольнага клуба ПСЖ у фінале Лігі чэмпіёнаў перараслі ў сутыкненні і беспарадкі, падчас якіх, паводле звестак паліцыі, загінулі два чалавекі, яшчэ 490 былі затрыманы.
Фота: sport.unian.net
Учора позна ўвечары французскі ПСЖ разграміў італьянскі “Інтэр” з лікам 5-0 і ўпершыню ў сваёй гісторыі стаў уладальнікам самага прэстыжнага кубка ў еўрапейскім футболе.
На прагляд фінальнага матча Лігі чэмпіёнаў у цэнтры Парыжа і каля стадыёна “Парк дэ Прэнс” – дамашняй арэны “Пары Сен-Жэрмен”, сабраліся каля 50 тыс.фанатаў. Большасць з іх паводзілі сябе мірна, многія спявалі і танчылі пасля перамогі каханай каманды, паведамляе Бі-бі-сі.
Аднак некаторыя пачалі запускаць феерверкі, падпальваць машыны і разбураць аўтобусныя прыпынкі. Пасля гэтага ў Парыжы, а таксама ў іншых гарадах, пачаліся сутыкненні з паліцыяй.
