Беларускі форвард «Вашынгтона» Аляксей Протас адзначыўся 30-м голам у гэтым рэгулярным сезоне НХЛ.
Гэта адбылося ў хатнім матчы супраць «Бафала», які нечакана скончыўся паразай лідара Усходу з лікам 5:8. У актыве хакеіста з Віцебска ўжо 65 выніковых дзеянняў — 30 шайбаў і 35 асістаў. Таксама ў гэтай гульні вызначыўся і Аляксандр Авечкін, наблізіўшыся да рэкорду Уэйна Грэцкі: да яго засталося чатыры галы. Наступны матч «Кэпіталз» правядуць 2 красавіка супраць «Бостана».
Гальчанюк можа ўзначаліць “Амур”: беларус гатовы да новага выкліку
Беларускі трэнер Аляксандр Гальчанюк можа заняць пасаду галоўнага трэнера расійскага хакейнага клуба “Амур”. Гальчанюк ужо працуе ў сістэме клуба, адказваючы за развіццё гульцоў з канца 2024 года. Цяперашні часова выканаўца абавязкаў галоўнага — таксама беларус, Віктар Касцючонак, але пад яго кіраўніцтвам каманда не здолела прабіцца ў плэй-оф, фінішаваўшы толькі 11-й на Усходзе.
Сабаленка адрываецца: беларуска ўзначальвае сусветны рэйтынг з камфортным запасам
Пасля перамогі на турніры ў Маямі Арына Сабаленка яшчэ больш умацавала лідарства ў сусветным рэйтынгу WTA. Цяпер яе перавага над Ігай Свёнтак з Польшчы складае больш за тры тысячы ачкоў — гэта самы вялікі адрыў у жаночым турнірным тэнісе за апошнія гады. У топ-100 засталася толькі адна беларуска — Вікторыя Азаранка, яна на 47-й пазіцыі. Аляксандра Сасновіч апусцілася на 113-е месца. У мужчынскім рэйтынгу ATP першы радок трымае Янік Сінэр з Італіі, а найлепшы з беларусаў — Ягор Герасімаў, які пакуль 370-ы.
«Барса» разграміла «Жырону», а Левандоўскі бліснуў дублем
«Барселона» не пакінула шанцаў «Жыроне» ў 29-м туры Ла Лігі, святкуючы разгромную перамогу — 4:1. Гаспадары выйшлі наперад дзякуючы аўтаголу Крайчы, але «Жыроне» ненадоўга ўдалося аднавіць інтрыгу. Далей два галы аформіў польскі нападнік Роберт Левандоўскі, а кропку паставіў Феран Торэс. Пасля гэтай вікторыі каталонцы маюць 66 ачкоў і ўзначальваюць табліцу. «Жырона» з 34 баламі трымаецца ў сярэдзіне — на 13-й пазіцыі.
Клоп і “Рэал”: магчымы трэнерскі камбэк у Мадрыдзе?
Юрген Клоп, які пакінуў “Ліверпуль” у 2024 годзе, можа нечакана вярнуцца да трэнерскай працы — і адразу на адну з самых прэстыжных пасадаў у свеце. Па інфармацыі заходніх СМІ, нямецкага спецыяліста разглядаюць як галоўнага кандыдата на замену Карла Анчалоці ў мадрыдскім “Рэале”. Клопа лічаць ідэальным для каманды, дзе шмат зорак і таленавітай моладзі. Хаця сам трэнер пакуль не прыняў рашэння — сярод альтэрнатыў нават нацыянальныя зборныя Бразіліі і ЗША. Цяпер Клоп працуе ў сістэме Red Bull як глабальны кіраўнік футбольнага развіцця.
Беларускае Радыё Рацыя
