Беларускі форвард “Вашынгтона” Аляксей Протас адзначыўся выніковай перадачай у матчы супраць “Філадэльфіі”. У другім перыядзе ён дапамог Конару Макмайклу аформіць гол, а яго каманда перамагла з лікам 4:3. Цяпер на рахунку Протаса 46 (22+24) балаў у 54 матчах сезона. Капітан “Вашынгтона” Аляксандр Авечкін закінуў шайбу ў чацвёртай сустрэчы запар, скараціўшы адставанне ад рэкорду Уэйна Грэцкі да 15 галоў.
Максім Гаеў змяняе клуб: “Смаргонь” на “Арсенал”
Беларускі паўабаронца Максім Гаеў перайшоў у “Арсенал” Дзяржынск. У мінулым сезоне ён згуляў 22 матчы за “Смаргонь”.
АПЛ можа змяніць трансферныя правілы
Ангельская прэм’ер-ліга разглядае магчымасць скарачэння зімовага трансфернага акна да двух тыдняў і закрыцця летняга акна яшчэ да старту сезона. Паводле The Telegraph, уладальнікі і кіраўнікі 20 клубаў АПЛ абмяркоўваюць гэтае пытанне, якое можа быць вынесена на галасаванне. Такія змены дапамогуць клубам пазбегнуць нечаканых стратаў асноўных гульцоў ужо пасля пачатку турніру.
Марсэла завяршае кар’еру: 25 трафеяў у “Рэале”
36-гадовы бразілец Марсэла, які пяць разоў выйграваў Лігу чэмпіёнаў у складзе “Рэала”, абвясціў аб завяршэнні кар’еры. У Мадрыдзе ён правёў 15 гадоў, заваяваўшы 25 тытулаў.
Ліянэль Месі прызнаны лепшым футбалістам у гісторыі
Часопіс FourFourTwo склаў рэйтынг 100 найвялікшых футбалістаў усіх часоў. Першая тройка выглядае так:
1. Ліянэль Месі (Аргенціна)
2. Пеле (Бразілія)
3. Дыега Марадона (Аргенціна)
Крышціяну Раналду заняў чацвёртае месца, а ў першую дзясятку таксама ўвайшлі Круіф, Раналда, Зідан і Бекенбаўэр.
Беларускае Радыё Рацыя
