У суботу вечарам у гатэлі «Галаўбеўскі» ў Беластоку адбыўся Падляшскі алімпійскі гала-канцэрт, падчас якога былі абвешчаныя вынікі рэйтынгу Падляшскай алімпійскай рады (ПАР) за 2025 год.
Былі абвешчаныя найлепшыя падляшскія спартсмены, трэнеры і сябры спорту за мінулы год.
Беларуская спартоўка родам з Баранавіч – Марыя Жодзік, зараз лёгкаатлетка з KS Podlasie Bełystok, была названая спартоўкай 2025 года. Летась яна прадстаўляла Польшчу на камандным чэмпіянаце Еўропы, дзе заняла другое месца з вынікам 1,97 м. У фінале скачкоў у вышыню на чэмпіянаце свету ў Токіо яна з трэцяй спробы скочыла на 2,00 м, пабіўшы свой асабісты рэкорд і атрымаўшы тытул віцэ-чэмпіёнкі свету. У сакавіку 2024 года рашэннем прэзідэнта Польшчы Анджэя Дуды яна атрымала польскае грамадзянства.
Другое месца ў рэйтынгу ў катэгорыі «Спартоўка года 2025» заняла Наталля Малішэўская, канькабежка з клуба «Ювенія Белосток». У мінулым годзе на чэмпіянаце свету ў Пекіне нараджэнка Беластока заваявала тры медалі: сярэбраны ў жаночай эстафеце і бронзавы ў індывідуальнай і змешанай эстафетах на 500 метраў.
Трэцяе месца заняла Наталля Букавецка з клуба «Падляшша Белосток». На чэмпіянаце свету ў Токіо яна заняла чацвёртае месца ў бегу на 400 метраў з найлепшым часам сезона — 49,27 секунды, што з’яўляецца чацвёртым найлепшым часам у гісторыі польскай лёгкай атлетыкі.
