У матчы польскай Экстракласы «Сталь» з Мелеца сенсацыйна перамагла аднаго з лідараў чэмпіянату — «Ягелонію» з лікам 2:1. Беларускі нападнік Ілля Шкурын стаў адным з герояў сустрэчы, аддаўшы галявы пас. Лік быў адкрыты чэмпіёнамі Польшчы, калі Пулулу па правілах штурхануў суперніка-абаронцу і разабраўся з галкіперам. На 22-й хвіліне, калі Шкурын выканаў дакладную перадачу на свайго партнёра, той пераўтварыў момант у гол – 1:1. А вырашальны мяч быў звбіты з пенальці. Шкурын быў заменены на 86-й хвіліне, агулам правёўшы выдатны матч. У гэтым сезоне нападнік ужо мае 5 галоў і 2 выніковыя перадачы ў 19 матчах. Пасля гэтай перамогі «Сталь» узнялася на 12-е месца ў турнірнай табліцы, у той час як «Ягелонія» застаецца другой, але страціла важныя ачкі ў гонцы за чэмпіёнства.
«Дынама-Брэст» не спыняецца – трэцяя перамога запар
Берасцейскае «Дынама» набірае абароты і выйграла трэці спарынг запар. На гэты раз пацярпеў паражэнне «Арсенал» Дзяржынск – 3:1. Галы ў складзе «Дынама» забілі Гардзяйчук і Зянькоў, яшчэ адзін мяч быў аўтаголам.
БАТЭ тэстуе Іллю Чарняка
Барысаўскі БАТЭ можа падпісаць кантракт з экс-паўабаронцам менскага «Дынама» Іллёй Чарняком. 22-гадовы футбаліст ужо трэніруецца з камандай і, магчыма, сёння выйдзе на поле ў кантрольным матчы супраць свайго былога клуба.
Настасся Ліннік зноў радуе беларускіх заўзятараў
Найлепшая футбалістка Беларусі 2024 года Настасся Ліннік адзначылася прыгожым галявым ударам у таварыскім матчы за маскоўскі «Лакаматыў». Яе каманда перамагла «Чартанова» з лікам 4:1, а Ліннік забіла са штрафнога, адкрыўшы лік у матчы.
Гандбалісты «Машэкі» завяршылі групавы этап СЕХА-лігі без перамог
Магілёўскі гандбольны клуб «Машэка» завяршыў свой выступ у групавым этапе СЕХА-лігі без адзінай перамогі. У апошнім туры каманда саступіла маскоўскаму ЦСКА з розніцай у дзевяць мячоў — 25:34. Магілёўцы ўжо не мелі шанцаў на выхад у плэй-оф, у той час як ЦСКА скончыў першы этап без паразаў і заняў першае месца ў сваёй групе. Цяпер усе надзеі беларускіх заўзятараў звязаныя з менскім СКА, які 9 лютага прыме «Пермскіх мядзведзяў».
Аляксандра Сасновіч працягвае барацьбу на турніры WTA-250 у Румыніі
Беларуская тэнісістка Аляксандра Сасновіч выйшла ў паўфінал турніру WTA-250 у Клуж-Напока. У напружаным паядынку 1/4 фіналу яна перамагла ўкраінку Ангеліну Каліціну ў трох сэтах — 2:6, 6:4, 7:6. Сустрэча доўжылася 2 гадзіны 35 хвілін, а вырашальны тай-брэйк Сасновіч узяла з лікам 7:3.
Леброн Джэймс паўтарыў рэкорд Джордана
Легендарны Леброн Джэймс дасягнуў чарговага гістарычнага рубяжу – ён стаў толькі другім гульцом у гісторыі НБА пасля Майкла Джордана, які здолеў набраць 40 ачкоў у матчы пасля 40-гадовага ўзросту. У гульні супраць «Голдэн Стэйт» ён запісаў на свой рахунак 42 ачкі, 17 падбораў і 8 перадач.
Беларускае Радыё Рацыя
