Прэзідэнт ЗША Дональд Трамп падпісаў указ аб забароне трансгендэрным спартсменкам ехаць на жаночыя спартыўныя спаборніцтвы.
“З гэтага часу жаночы спорт будзе толькі для жанчын. З гэтым указам вайна з жаночым спортам скончана”, – пракаментаваў Трамп сваё рашэнне і дадаў, што спартовыя ўлады ЗША будуць адмаўляць у візах трансгендэрным спартоўкам, піша Бі-бі-сі.
Хоць указ будзе распаўсюджвацца ў асноўным на школьных, універсітэцкіх і аматарскіх спаборніцтвах, аднак Трамп заявіў, што будзе дабівацца ад Міжнароднага алімпійскага камітэта змянення правілаў у адносінах да спартсменаў-трансгендэраў да пачатку Алімпійскіх гульняў у Лос-Анджэлесе ў 2028 годзе.
“У апошнія гады многія адукацыйныя ўстановы і спартыўныя асацыяцыі дазволілі мужчынам спаборнічаць у жаночых відах спорту. Гэта зневажальна, несправядліва і небяспечна для жанчын і дзяўчынак і пазбаўляе іх роўных магчымасцей удзельнічаць і мець поспех у спаборніцкіх відах спорту”, – гаворыцца ва ўказе.
