Украіна накіравала ліст у Міжнародны алімпійскі камітэт, у якім выступіла супраць удзелу ў Алімпіядзе 2024 году ў Парыжы пяці беларусаў, кваліфікаваных на Гульні ў якасці індывідуальных нейтральных спартоўцаў. З адпаведнай ініцыятывай выступілі Нацыянальны алімпійскі камітэт Украіны і Міністэрства спорту і моладзі гэтай краіны.
У лісце на адрас МАК яны пералічваюць імёны 15 беларускіх і расейскіх спартоўцаў, якія атрымалі ад Міжнароднага алімпійскага камітэту дазвол на ўдзел у Алімпійскіх гульнях, і заяўляюць, што гэтыя спартоўцы «падтрымліваюць вайну ва Украіне і палітыку расейскага дыктатара і не адпавядаюць дастатковым крытэрам для атрымання статусу індывідуальнага нейтральнага атлета».
У лісце ўкраінскіх функцыянераў згадваюцца імёны 5 беларускіх спартоўцаў. Гэта: батутыст Іван Літвіновіч, тэквандыст Георгій, стралок Дар’я Чупрыс, якая «з’яўляецца чальцом спартыўнага камітэту Ўзброеных сіл», велагоншчыца Ганна Церах і плыўчыха Анастасія Шкурдай.
Беларускае Радыё Рацыя
