Хакеісты менскага “Дынама” аформілі другую перамогу ў серыі Кубку Гагарына з маскоўскім ЦСКА — 5:3.
Госці першымі адкрылі лік, але Вадзім Мароз хутка аднавіў раўнавагу, а праз дзве хвіліны ўжо вывеў каманду наперад Вадзім Шыпачоў. У трэцім перыядзе Віталь Пінчук павялічыў перавагу, а пад канец сустрэчы Гарбуноў і Брук закінулі ў пустую брамку. Пасля дзвюх гульняў у Менску “зубры” лідыруюць у серыі 2:0. Наступныя матчы пройдуць у Маскве 30 сакавіка і 1 красавіка.
“Юнацтва” за крок да фіналу: менчукі вырвалі перамогу ў авертайме
Хакеісты менскага “Юнацтва” аформілі трэцюю перамогу ў паўфінальнай серыі плэй-оф, абыграўшы “Дынама-Маладзечна” з лікам 1:0. Асноўны час сустрэчы завяршыўся без шайбаў, а ў авертайме пераможны кідок выканаў Станіслаў Кучкін. Менчукі вядуць у серыі 3:0 і ўжо 30 сакавіка могуць забяспечыць сабе месца ў фінале. У другім паўфінале “Гомель” і “Віцебск” працягнуць барацьбу на поўдні Беларусі пры роўным ліку ў серыі — 1:1.
“Славія” ўпершыню перамагла ў сёлетнім чэмпіянаце
Мазырская “Славія” ўпэўнена стартавала ў другім туры футбольнай вышэйшай лігі, разграміўшы на сваім полі “Маладзечна” з лікам 4:1. Двойчы адзначыўся Андрэй Салавей. Гэта першая перамога мазыран у новым сезоне. У другім матчы дня БАТЭ саступіў на хатняй арэне “Іслачы” — 0:1. Тур працягнецца матчамі ў Віцебску, Слуцку, Менску і завершыцца 30 сакавіка гульнямі з удзелам “Дынама-Мінск”, “Нёмана”, “Гомеля”, “Нафтана” і “Дынама-Брэст”.
Безгалявы хіт: «Легія» і «Погань» разышліся мірам у цэнтральным матчы тура
У Варшаве не атрымалася ўбачыць галоў у супрацьстаянні «Легіі» і «Погані» — матч 26-га тура польскай Экстракласы завяршыўся з лікам 0:0. Абедзве каманды мелі свае моманты, але выдатная гульня брамнікаў не дазволіла адкрыць лік. У выніку каманды падзялілі ачкі і засталіся па-за тройкай лідараў. Беларускі нападнік “Легіі” Ілля Шкурын з’явіўся на полі на 80-й хвіліне, замяніўшы Марка Гуаля. Ён правёў на полі каля 10 хвілін і, на жаль, не запомніўся яркімі дзеяннямі ў атацы.
Беларускае Радыё Рацыя
