У Падляшскай ваяводскай маршалкоўскай управе ў Беластоку адбылася сустрэча кіраўніцтва з самакіраваннямі рэгіёну.
Тэма дня – пачатак конкурсу грантаў на ліквідацыю архітэктурных бар’ераў. Бюджэт конкурсу складае 10 мільёнаў злотых з фондаў ЕЗ. Перспектывы конкурсу ацаніў упаўнаважаны Маршалка па справах асобаў з абмежаванымі магчымасцямі Томаш Пясецкі:
–Перспектывы вельмі шырокія. Будзе ўзгодненая ўнікальная праграма, якую мае толькі нашае Падляшскае ваяводства. Для людзей з інваліднасцю, хранічнымі захворваннямі, для сталых людзей гэтая праграма і падтрымка з’яўляюцца вельмі патрэбнымі. Вельмі рады, што нашае ваяводства, як адзіны рэгіён у Польшчы, атрымала такі грант.
У межах конкурсу адзін жыхар Падляшша можа атрымаць грант у максімальным памеры 50 000 злотых. Грошы можна накіраваць на розныя віды рамонтна-будаўнічых работ, звязаных з адаптацыяй кватэры пад індывідуальныя патрэбы людзей з абмежаванымі магчымасцямі, хранічна хворых і сталых людзей.
Цалкам матрэрыял у далучаным файле:
Беларускае Радыё Рацыя
