Літва сёння, 16 лютага, святкуе 108-ую гадавіну аднаўлення дзяржаўнасці.
З гэтай нагоды ў сталіцы і ў іншых гарадах Літвы пройдуць святочныя мерапрыемствы. У іх, па традыцыі, прымуць удзел і беларусы.
Паведамляе наш карэспандэнт з Вільні:
– Па традыцыі святкаванне пачалося з цырымоніі ўшанавання памяці падпісання актаў незалежнасці на могілках Россы. Пазней у прэзідэнцкім палацы адбудзецца цырымонія ўручэння дзяржаўных узнагарод. У той жа час на вуліцах горада пройдзе шэсце моладзі «Дарогай літойскай дзяржавы». Апоўдні адбудзецца ўрачыстая цырымонія ўзняцца трох сцягаў балтыйскіх краін. У гэтай цырымоніі збіраецца браць удзел і беларуская дыяспара.
Пасля абеду з балкону дома падпісантаў па традыцыі да прысутных звернецца першы кіраўнік Літвы, які абвясціў пра незалежнасць, – Вітаўтас Ландсбергіс.
Увечары на праспекце Гедыміна запаляць 16 вогнішчаў Свабоды. Каля вогнішчаў будзе гучаць патрыятычная музыка і песні ў выканні літоўскіх ансамбляў.
Святочны вечар скончыцца канцэртам у нацыянальнай філармоніі. У гэты дзень грамадскі транспарт будзе бясплатным.
Беларускае Радыё Рацыя
