Віцэ-маршалкі ваяводства Веслава Бурнас і Марэк Маліноўскі падпісалі пагадненні з прадстаўнікамі шасці самакіраванняў, якія атрымалі субсідыі на захоўванне энергіі на Падляшшы.
Кошт інвэстыцыі складае больш за 16 мільёнаў злотых, суфінансаванне з еўрапейскіх фондаў — яшчэ 14 мільёнаў злотых. Кажа віцэ-маршалак Марэк Маліноўскі:
– Субсідыі прызначаны для задавальнення чаканняў мясцовых органаў улады, а таксама мясцовых жыхароў. Гэта дазволіць палепшыць выкарыстанне энергіі з аднаўляльных крыніц. Хачу нагадаць, што мы далі 14 такіх датацый на квоту 51 млн злотых.
Бургамістр Міхалова Марэк Назарко падкрэсліў важнасць праекта і адзначыў, што яго галоўнымі бенефіцыярамі з’яўляюцца жыхары Падляшша:
– Гэта сапраўды вельмі важная інвестыцыя. Гэта дазволіць вельмі рацыянальна выкарыстоўваць энергію. Таксама гэта важны крок у кірунку зялёнай трансфармацыі.
Атрыманыя сродкі субсідый пойдуць у два гарады – больш за 4 мільёны злотых у Бельск Падляшскі і амаль 1,5 мільёна злотых у Сямятычы. Фінансаванне атрымалі таксама чатыры гміны Падляшша: Новыя Пекуты – больш за 835 тысяч злотых, Міхалова – амаль 2,5 мільёна злотых, Вышкі – амаль 3,2 мільёна злотых і Гайнаўка – больш за 1,7 мільёна злотых.
Цалкам матэрыял:
Беларускае Радыё Рацыя
