Кіроўцы ў Польшчы маюць час да 25-га чэрвеня, каб афіцыйна зарэгістраваць радыёпрыёмнік у сваім аўтамабілі і скарыстацца 10% зніжкай на аплату абанементу RTV. Пасля гэтай даты штраф за нявыплату можа скласці да 819 злотых, нават калі машына ўжо прададзеная ці нават знішчаная.
Адвакат і праўнік Народнага антыкрызіснага ўпраўлення (НАУ) Міхаіл Кірылюк адзначае, што такі абавязак накладаецца і на грамадзян Беларусі – падатковых рэзідэнтаў Польшчы:
– Любое невыкананне закону можа ў будучым справакаваць праблемы з атрыманнем ці падаўжэннем легальнага статуса.
Паводле закона, каб быць вызваленым ад аплаты радыёпрыёмніка ў аўто пры ўмове адсутнасці RTV-абанемента ў месцы пражывання, трэба падаць адпаведныя дакументы — напрыклад, людзям старэйшым за 75 гадоў, пенсіянерам з нізкім даходам або асобам з інваліднасцю.
Аформіць RTV-абанемент можна тут: https://rtv.poczta-polska.pl/?action=GetRegFrm.
Цалкам матэрыял:
Беларускае Радыё Рацыя
Фота globaltuning.com
