У Падляшскім ваяводстве падпісалі дамовы ў межах стратэгічнага праекта пад назвай: Home Telecare Program. Гэта праграма падтрымкі сталых людзей і асобаў з абмежаванымі магчымасцямі.
Пра тое, што атрымальнікамі паслуг такіх праектаў могуць быць і грамадзяне Беларусі, што жывуць на Падляшшы, выказаўся войт гміны Пуньск Вітольд Лішкоўскі:
-Ідзе размова пра тое, што кожнаму чалавеку, які вымагае дапамогі, свабодна можам выдзяляць розную дапамогу і афіцыйна, калі казаць пра гмінны асяродак сацыяльнай дапамогі, а таксама і прыватна. Ёсць шмат людзей з Беларусі і Украіны, а таксама з Афрыкі.
Праект Home Telecare Program прафінансаваны Еўрапейскім сацыяльным фондам на 45 мільёнаў злотых і будзе рэалізаваны да канца 2027 года. Падтрымка будзе аказана ў выглядзе паслуг па апецы і абслугоўванні 1000 чалавек – жыхароў Падляшша.
Цалкам матэрыял:
Беларускае Радыё Рацыя
