Міністр унутраных спраў і адміністрацыі падпісаў распараджэнне аб увядзенні часовай забароны на знаходжанне на пэўнай тэрыторыі ў прыгранічнай зоне, прылеглай да дзяржаўнай мяжы з Рэспублікай Беларусь. Буферная зона эфектыўная, таму яна была падоўжаная яшчэ на 90 дзён. Новая пастанова ўступіла ў сілу сёння 10 сакавіка. Пра гэта паведамляецца на сайце Памежнай службы Польшчы.
Часовая забарона на знаходжанне ў памежнай зоне гарантуе бяспеку супрацоўнікаў памежнай службы, паліцыі і вайскоўцаў. Падаўжэнне буфернай зоны таксама палегчыць працу па мадэрнізацыі агароджы і абмяжуе дзейнасць кантрабандных груп.
Памежная службы сведчыць, што апошнім часам знізілася колькасць спробаў нелегальнага перасячэння беларуска-польскай мяжы
Так, пасля амаль 267 дзён яе працы колькасць спробаў нелегальнага перасячэння беларуска-польскай мяжы скарацілася прыкладна на 46 адсоткаў. З 13 чэрвеня 2024 года па 6 сакавіка 2025 года было зарэгістравана больш за 12,7 тыс.такіх спроб. За аналагічны перыяд, да ўвядзення зоны, іх было амаль 23,5 тыс.
Забарона на знаходжанне на пэўнай тэрыторыі ў памежнай зоне, прылеглай да дзяржаўнай мяжы з Рэспублікай Беларусь, дзейнічае з 13 чэрвеня 2024 года.
