У Тыкоціне прайшлі мемарыяльныя мерапрыемствы і на мясцовых могілках быў адкрыты новы помнік былым вязням канцлагераў і сасланым у Сібір.
Пра тое, што такія помнікі павінны быць і ў Беларусі, кажа прадстаўніца Аб’яднання сем’яў вязняў, вывезеных у канцлагер Равензбрыг, Эльжбета Кута:
-Мы клапоцімся, каб памяць пра тое, што адбывалася ў нямецкіх канцэнтрацыйных лагерах, захавалася ў пакаленнях.
Успамінамі падзялілася і жыхарка Тыкоціна, сведка падзей Люцына Мазальска:
-Мела чатыры гады і тры месяцы, калі маіх бацькоў забралі немцы і завезлі на plac Czarnieckiego. Гэта было раніцай а 6-й. Мы не ведалі, што робіцца. То мой бацька прасядзеў 6 тыдняў у Беластоку ў турме. А маму вывезлі ў Равензбрыг.
Акрымя гэтага ў Тыкоціне адкрылася пленэрная выстава «Каменныя сведчанні», якая распавядае пра гісторыю жыхароў Тыкоціна, якія былі гвалтоўна вывезены з роднага горада нямецкімі і савецкімі ўладамі.
Беларускае Радыё Рацыя
