У Беластоку пры помніку ксяндзу Ежы Папялушку прайшла акцыя салідарнасці з журналістам і актывістам Саюза палякаў на Беларусі – Анджэем Пачобутам. Традыцыйна ўдзельнікі акцыі выказалі сваю салідарнасць таксама з усімі беларускімі палітвязнямі.
Гавораць яе ўдзельнікі:
– На жаль, ад Анджэя няма новых навінаў. Ведаем дакладна, што ён знаходзіцца ў Наваполацку ў калоніі, у поўнай ізаляцыі і сядзіць у ПКТ. Час ад часу да сям’і даходзяць ад яго лісты, але ўлады робяць усё, каб яго цалкам ізаляваць ад усялякай інфармацыі. Сітуацыя застаецца нязменнай і вельмі цяжкай.
– Тэрарыстычны рэжым Лукашэнкі таксама мае крывавыя лапы. Трэба нагадваць, што тыя людзі, якія сядзяць у турмах, дасць Бог, можа выйдуць. Так, будзе зламаны лёс, будзе дрэннае здароўе.
Калі Анджэй Пачобут цягам месяца не выйдзе на волю, то 25 сакавіка будзе роўна чатыры гады, як ён у палоне. І роўна палова турэмнага тэрміну, да якога яго засудзіў лукашэнкаўскі рэжым.
Цалкам матэрыял слухайце ў далучаным файле:
Юрась Дзяшук, Беларускае Радыё Рацыя
***
Акцыя адбылася на традыцыйным месцы каля ўскрайку сквера паблізу помніка Ежы Папялушку.
25 сакавіка 2021 году Анджэй Пачобут быў затрыманы ў Гародні і кінуты ў турму. Пазней яго засудзілі да вялікага тэрміну зняволення – 8 гадоў. Цяпер ён па-ранейшаму ў Наваполацкай калоніі. У зняволенні Пачобут ужо амаль чатыры гады.
Беларускае Радыё Рацыя
Фота: Юрась Дзяшук
