Крама Kropka, якой кіруе сям’я былога палітвязня Змітра Фурманава, запускае акцыю салідарнасці: кожны нядаўна вызвалены палітвязень атрымае ў падарунак цішотку.
“Гэта маленькі жэст, але вялікая надзея. Мы хочам, каб людзі адчулі: яны патрэбныя і не адны”, — кажа Фурманаў.
-Яны могуць прыйсці ў “Кропку” і выбраць любую цішотку, якая спадабалася, абсалютна задарма. І мы гэта вырашылі зрабіць, таму што пабачылі, што на прэс-канферэнцыі было шмат былых палітвязняў, апранутых у сваё адзенне, якое з турмы засталося.
Па словах Змітра Фурманава, да акцыі далучыліся некалькі беларускіх брэндаў:
-Пяць брэндаў, якія ўдзельнічаюць у акцыі. Некаторыя пагадзіліся бясплатна аддаваць, а некаторыя зрабілі вялікую зніжку – амаль бясплатна. Гэта брэнды: “Рабі пільна”, “Адметнасць”, “Падпольшчыкі”, “Жнівень” і мэрч гурта “Кашлаты Вох”.
Акцыя будзе дзейнічаць бліжэйшы тыдзень і, па словах яе арганізатара, яны хочуць, «каб людзі, якія прайшлі праз выпрабаванні, адчулі падтрымку і ведалі: яны не адны, іх тут чакаюць”.
Цалкам гутарка:
Беларускае Радыё Рацыя
