Беларусы Варшавы правялі чарговую нядзельную акцыю салідарнасці з палітвязнямі і крытыкай так званай выбарчай дабравольна-прымусовай кампаніі ў Беларусі.
Людзі, і нават з дзецьмі, сабраліся, нягледзячы на кепскае надвор´е, гаворыць арганізатар акцыі Васіль Плешкуноў, сябра грамадскага аб´яднання «Беларусы Варшавы» і Беларускай асацыяцыі палітвязняў «Да Волі»:
Электаральная кампанія гэтым разам у Беларусі павінна пачынацца славамі «прапанова, ад якой ты не зможаш адмовіцца». Ля крамаў стаяць чырвона-зялёныя пікеты. Людзі абыходзяць іх як чумныя баракі, але тэлевізар расказвае пра небывалую падтрымку таго “вусатага”. Па кватэрах таксама ходзяць зборшчыкі подпісаў. І калі ты не падпішаш, цябе занясуць у другі спіс. Таму што ў іх два спісы – тых хто папісаў, і тых, хто не падпісаў. Людзі прыходзяць на працу, а на прахадных таксама 2 спісы.
Паводле Васіля Плешкунова, калі ты не падпішаш, то будзеш звольнены з працы без далейшага працаўладкавання. Улада не даруе самастойнасці мыслення і жорстка выракае сям´ю на голад.
Акцыя завяршылася традыцыйным агульным здымкам.
Беларускае Радыё Рацыя
