У Вільні на магіле беларускага добраахвотніка палка Каліноўскага Аляксандра Царука невядомыя разбілі партрэт і перавярнулі лампадкі. Аляксандр Царук памёр у красавіку з-за праблем са здароўем.
Распавядае сведка здарэння на віленскіх могілках, спадарыня Таццяна:
– Гэта была пятніца, я сабралася і паехала да яго. Купіла кветкі, свечкі. Калі падыходзіла да магілы, то ўбачыла, што ўсё раскідана. Сфатаграфавала, прыбрала. Не ведала, што рабіць, можа і трэба было выклікаць паліцыю.
Сітуацыю каментуе сябра Аляксандра Царука, экс-добраахвотнік і сябра КР Аляксандр Клачко:
– Гэта я не адношу да тых выпадкаў, як з “Кропкай”, з “Карчмой”, з “Беларускім домам”. Я скажу так, што варыянтаў можа быць некалькі. Апаганьваць магілу памерлага, які не можа табе адказаць, гэта слабыя людзі. Проста наведваць перыядычна і мець на ўвазе, што калі гэта будзе паўтарацца, то выклікаць паліцыю.
Вядома, што дачка беларускага добраахвотніка Аляксандра Царука – Вольга падала заяву па факце акту вандалізму на магіле бацькі ў паліцыю, дзе зварот прынялі.
Беларускае Радыё Рацыя
