Больш за тыдзень грузінскі Батумі, дзе жыве некалькі тысяч беларусаў, быў засыпаны снегам: не хадзіў грамадскі транспарт, вуліцы былі ў сумётах, якія амаль не ўбіраліся, бо ў горадзе амаль адсутнічае снегаўборачная тэхніка.
Пра тое, што адбывалася ў Батумі, распавядае беларус Аляксей Мядзьведзь, што жыве ў гэтым горадзе:
– Тыдзень таму, пачынаючы з пятніцы, пачаліся праблемы з рухам грамадскага транспарту па тэрыторыі горада і за горадам. У розных раёнах ужо ў суботу нішто не ездзіла. Людзі дабіраліся на працу ў асноўным пешшу, або на таксі, але за вельмі вялікія грошы.
Па словах Аляксея, у Батумі тэмпература паціху паднімаецца і супыніўся снег, але праблемы ў гараджан яшчэ застаюцца:
– 26-га жанчына пацярпела, яе завезлі на «хуткай». Затым аэрапорт пацярпеў, а таксама дахі гандлёвых цэнтраў.
Наступныя дні сіноптыкі прагназуюць павелічэнне тэмпературы ў гэтым горадзе да 15 градусаў цяпла, а гэта значыць, што на вуліцах будзе паводка і вуліцы Батумі будуць некалькі дзён выглядаць нібы каналы ў італьянскай Венецыі.
Цалкам матэрыял:
Беларускае Радыё Рацыя
