Сёлетні фестываль мастацтва «Slow Fest» адбудзецца адразу ў трох мясцінах Падляшша: Нараўцы, Супраслі і Ломжы.
Свята распачынаецца ўжо сёння, 11 ліпеня, паведаміў дырэктар Цэнтра беларускай культуры ў Беластоку Анатоль Вап.
– Для нас вельмі важна, каб фестываль адбываўся ў шмат якіх месцах, дзе жыве беларуская меншасць. Важна праводзіць фестываль у такіх мясцовасцях, бо паўстала цяжкая сітуацыя на граніцы, таму такія падзеі там вельмі патрэбныя.
У праграме фестывалю запланавана прэзентацыя беларуска-польскага праекту на словы паэта Анатоля Сыса «Пан Лес» — музычную дзею пакажуць у Нараўцы. Апроч таго ў межах фэсту пройдуць сустрэчы з пісьменнікамі Падляшша, мастацкія выстаўкі і кінапаказы.
Цалкам матэрыял:
Беларускае Радыё Рацыя
