У Беластоку працягвае працу 4-я навуковая канферэнцыя пад назвай: «Нацыянальныя, этнічныя і моўныя меншасці ў Польшчы на еўрапейскім фоне». Мерапрыемства прысвечана 20-годдзю прыняцца ў Польшчы Закона аб нацыянальных і этнічных меншасцях і рэгіянальнай мове.
У працы мерапрыемства прымае ўдзел намеснік кіраўніка Згуртавання ўкраінцаў Падляшша Андрій Арцемюк:
– Ліцэя ў нас як раз няма, на жаль, у адрозненні ад беларускай меншасці, але ёсць школы. Ёсць у Бельску школа, дзе можна вывучаць украінскую мову. Гэта крыху іншая сітуацыя, чым была 20 гадоў таму. Аднак ёсць патрэба ў пэўных зменах. З’яўляюцца новыя праблемы – у сацыяльным жыцці і ў культурным. Найбольшая праблема – са школьніцтвам.
У рамках канферэнцыі 10 снежня ў сценах Універсітэта ў Беластоку намеснік кіраўніка Згуртавання ўкраінцаў Падляшша Андрій Арцемюк прыме ўдзел і ў абмеркаванні, як Закон аб нацыянальных і этнічных меншасцях і рэгіянальнай мове змяніў дзейнасць супольнасцяў.
Канферэнцыя праходзіць пад ганаровым патранатам старшыні Сейма Шымона Галоўні.
Цалкам матэрыял:
Беларускае Радыё Рацыя
