Таварыства «Асяродак Белавежа» працягвае валанцёрскія працы па рамонце навучальна-рэкрэацыйнага аб’екта, размешчанага на ўскрайку Белавежы, па адрасе вул. Застава, 68.
Паводле прэзідэнта таварыства і дарадцы маршалка Падляшскага ваяводства па пытаннях нацыянальных і этнічных меншасцяў Аляксандра Васылюка, «Асяродак Белавежа» можа быць адкрыты для паўнавартаснага прыёму гасцей ужо ў кастрычніку 2025 года:
–Лічым, што гэты Асяродак вельмі важны для нас. Я спадзяюся, што гэта будзе месца інтэграцыі пакаленняў. І зараз імкнемся так рабіць, каб прыязджалі бацькі, дзеці, часам нават бабулі з дзядулямі. Часам, гэта людзі, не знаёмыя паміж сабою, а калі ад’язджаюць, яны пакідаюць свае кантакты. Таксама гэта людзі з Беларусі.
Валанцёрскія працы арганізуюцца штосуботу на працягу ўсяго лета. «Асяродак Белавежа» запрашае мясцовых жыхароў і ўсіх ахвотных далучыцца да ініцыятывы, якая спалучае карысную працу з магчымасцю адпачынку і інтэграцыі ў Белавежскай пушчы.
Жадаючыя дапамагчы могуць напісаць на электронную пошту:
У лісце варта пазначыць:
– свае кантактныя дадзеныя,
– даты, калі магчыма далучэнне да валанцёрскіх дзяжурстваў.
Цалкам гутарка:
Вольга Сямашка, Беларускае Радыё Рацыя
