27 студзеня ў Польшчы і свеце адзначаецца 80-годдзе вызвалення канцлагера “Аўшвіц-Біркенаў” і Міжнародны дзень памяці ахвяр Халакосту.
У памятных мерапрыемствах на месцы падзей прымаюць удзел былыя вязні лагера, Прэзідэнт Польшчы Анджэй Дуда. Аднак традыцыйных афіцыйных гасцей з Беларусі не чакаецца. Сітуацыю каментуе беларускі актывіст з Ізраіля Барыс Балтэ:
– У Рэспубліцы Беларусь, на жаль, і Халакост, і масавыя забойствы беларусаў, як і трагедыі, звязаныя з бальшавіцкім тэрорам, яны не адзначаюцца на дзяржаўным узроўні. Зрабілі мемарыял у Трасцянцы з адной мэтай – прыцягнуць замежных лідараў у Беларусь, каб яны прызнавалі Лукашэнку. Але і тут былі праблемы, бо адмовіліся ў Трасцянцы ставіць асобны помнік забітым у гэтым канцлагеры габрэям. У Беларусі ўшаноўваецца толькі адна нацыя – нацыя расейскамоўных савецкіх людзей.
Па словах Балтэ паказальна, што менавіта 27 студзеня ў Беларусі адбылося адзіная публічная падзея, звязаная з Міжнародным днем памяці ахвяр Халакосту. У Беларускім дзяржаўным музеі гісторыі Вялікай Айчыннай вайны адбылося адкрыццё невялікай часовай экспазіцыі «Аўшвіц. 80 гадоў памяці».
Беларускае Радыё Рацыя
