Некалькі дзясяткаў актывістаў прыйшлі да батумскай вежы Алфавіт, каб узгадаць палітзняволеных з Расеі, якія за сваю пазіцыю сядзяць у турмах і калоніях.
Пра акцыю кажа актывістка Анастасія Букоўскі:
–Прымеркаваная яна да дня народзінаў Ільі Яшына, які зараз сядзіць у турме. Гэта той палітзэк, якога мы яшчэ можам выратаваць. На жаль, некаторых мы ўжо не ў стане выратаваць – такіх, як Навальны, напрыклад. Мы выходзім, мы з’яўляемся голасам свабоды. Голасам тых людзей, якія зараз расейская ўлада кінула ў турму. Мы мусім пра іх памятаць, таму што яны пацярпелі за нас. За нашую свабоду.
Па словах актывіста Андрэя Палякова, толькі праз падобныя акцыі можна даносіць сваю пазіцыю:
– Калі мы спынімся зараз, то гэта проста параза, гэта здрада сваім ідэалам, гэта здрада людзям і здрада Расеі. Нас многіх у Расеі лічаць здраднікамі. Але насамрэч здрадай будзе якраз адмова ад антываеннай барацьбы і барацьбы за свабоду Расеі.
На акцыі таксама выступіў тузін актывістаў з розных рэгіёнаў, якія таксама ўзгадвалі сваіх знаёмых і родных, якія знаходзяцца за кратамі ў Расеі.
Беларускае Радыё Рацыя, Батумі
