Прадстаўнікі грамадскага аб’яднання «Беларуская дыяспара ў Аджарыі» прынялі ўдзел у сустрэчы з дэпутаткай парламента Грузіі ад апазіцыйнай партыі «Лело» Ганнай Нацвлішвілі.
Пра сустрэчу распавядае Аляксей Балашоў, кіраўнік арганізацыі «Беларуская дыяспара ў Аджарыі»:
– Гэта не першая наша сустрэча з Ганнай. Мы ў мінулым годзе ездзілі ў Тбілісі да яе на сустрэчу, там абмяркоўвалі беларускія праблемы, якіх дадалося пасля ўступлення ў сілу лукашэнкаўскага пашпартнага загаду ды іншыя праблемы беларусаў – праблемы з адаптацыяй, праблемы з падтрымкай беларускай культуры. Яна ў курсе нашых праблем.
Пра важнасць удзелу беларусаў у такіх сустрэчах кажа кіраўнік партыі «Лело» па Аджарыі Гено Тэбідзэ:
– Магчымасць для нашых сяброў, таму што для палітуцякачоў, якія зараз знаходзяцца ў Грузіі, вельмі цікава ведаць, якія палітычныя і ўнутраныя працэсы, якія датычацца таксама гэтых людзей.
У сустрэчы таксама прынялі ўдзел актывісты партыі «Лело», прадстаўнікі моладзевых арганізацый Аджарыі. Беларусы былі адзіным прадстаўніцтвам дыяспары, якіх запрасілі на гэту сустрэчу.
Беларускае Радыё Рацыя
