У Варшаве 16 студзеня ў Цэнтры Анджэя Вайды |(Al. Ujazdowskie 20) а 18.00 прэзентуюць кнігу «Беларусь Наталлі Радзінай: журналістка супраць дыктатара».
Падчас сустрэчы будуць прэзентаваны выданні кнігі на беларускай, украінскай і расейскай мовах.
У мерапрыемстве возьмуць удзел:
· Юрый Фельштынскі — аўтар кнігі,
· Наталля Радзіна — галоўнага рэдактара вядучага беларускага апазіцыйнага сайта «Хартия’97» (Charter97.org).
Сустрэчу правядзе Вячаслаў Барок.
Пасля прэзентацыі адбудзецца дыскусія з аўдыторыяй з магчымасцю задаваць пытанні і паразмаўляць з удзельнікамі мерапрыемства.
Мовы сустрэчы: беларуская і расейская.
Пра кнігу:
Кніга «Беларусь Наталлі Радзінай: журналістка супраць дыктатара» — гэта гісторыя сучаснай Беларусі, апісаная праз жыццё аднаго чалавека: беларускай журналісткі і палітыка Наталлі Радзінай, галоўнага рэдактара вядучага беларускага апазіцыйнага сайта «Хартия’97» (Charter97.org). Прачытанне кнігі дазволіць чытачу стаць сведкам рэвалюцыйных падзей і пратэстнага руху, якія пачаліся ў Беларусі ў 1995 годзе і не згаслі дагэтуль.
Чытач убачыць, што Беларусь, хоць і была часткай Расійскай імперыі і СССР, з’яўляецца асобнай самабытнай краінай; што са старажытных часоў Беларусь лічыла сябе часткай Еўропы і арыентавалася на Захад, а не на Усход; што будучыня Беларусі, якая вызвалілася ад дыктатарскага рэжыму Лукашэнкі, — з Еўрапейскім саюзам, а не з Расіяй, якая фактычна акупавала Беларусь, чыя бяспека ў канчатковым выніку можа быць забяспечана толькі праз членства ў НАТА.
