На канцэрт–сюрпрыз і Каляды запрашае ўсіх жадаючых Цэнтр беларускай супольнасці і культуры ў Вільні. Імпрэзы адбудуцца 20 і 21 снежня адпаведна па адрасе: Vilniaus, 20.
Падчас Калядаў можна будзе не толькі адсвяткаваць разам, але і паглядзець тры батлейкі ад маладых акцёраў ЕГУ : “Цар Ірад”, “Навагодняя Жыхарка”, “Дзве зорачкі”.
Кажа каардынатарка Цэнтра беларускай супольнасці і культуры Марына Абрамовіч:
– У пятніцу 20 снежня ў нас канцэрт-сюрпрыз, прыедзе вядомы спявак з Беларусі. На жаль, не можам зараз сказаць, хто гэта будзе менавіта, але ўсіх чакаем а шостай вечара, вы будзеце прыемна здзіўлены. У суботу ў нас традыцыйны кірмаш, пачнецца ён з дзіцячага кірмашу. Нашым маленькім прадпрымальнікам таксама вельмі хочацца паказаць сябе. А потым будзе ў нас вялікая праграма – гэта і супольны абед, і гульні абавязкова з казой, і Святы Мікалай, і выступы дзяцей
Святочная калядная сустрэча ў Цэнтры беларускай супольнасці і культуры на вуліцы Vilniaus, 20 скончыцца творчай праграмай беларускага паэта і перакладчыка Андрэя Хадановіча.
Беларускае Радыё Рацыя
