Беларуска-польскі калядны творчы вечар зладзілі ў Варшаве ў Музеі Вольнай Беларусі.
Падчас падзеі Кацярына Ваданосава пазнаёміла гасцей з гістарычнымі і нацыянальнымі строямі, музычна імпрэзу падтрымалі Міхал Солтан і Канстанцін Гарачы, а на завяршэнне ўсіх чакала дэгустацыя нацыянальных страў.
“Адным з нашых дасягненняў гэтага года стала выданне першага друкаванага каталога артэфактаў Музея Вольнай Беларусі, прэзентаванага на гэтым вечары”, – распавяла дырэктарка ўстановы Наталля Задзяркоўская.
– Мы вельмі доўга да яго ішлі. Гэта першая самастойна зробленая музейная выстава, прысвечаная жаночай ролі ў дэмакратычным руху. Гэта несціхаючыя галасы. Яна з выкарыстаннем нашага фонду і нашых матэрыялаў. То бок, выстава на аснове нашых уласных рэсурсаў. Было шмат цікавых імпрэз, якіх мы былі суарганізатарамі, напрыклад, выстава, прысвечаная Алесю Пушкіну, каб зайсці ў залу, людзі чакалі свайго часу, бо ўсе не маглі змясціцца.
Ганаровымі гасцямі імпрэзы сталі палітычныя дзеячы розных краін. Уваход на імпрэзу быў толькі па запрашэннях.
Цалкам матэрыял:
Беларускае Радыё Рацыя
