У Моладзевым Хабе (Беларуская прастора «Робім разам») Варшавы адбылася прэзентацыя кнігі краязнаўцы і гісторыка Уладзіміра Хільмановіча «Беларускі каляндарны энцыклапедычны даведнік». Кніга арганізавана паводле каляндарнага прынцыпу.
Яна саслужыць добрую службу настаўнікам і студэнтам у якасці дадатковага матэрыялу па гісторыі і культуры, журналістам і даследчыкам для праверкі дат і фактаў, кажа Уладзімір Хільмановіч:
– Галоўная мэта маёй працы – гэта ўшанаванне памяці пра выдатных асобаў, якія былі звязаныя з беларускім рухам у розных яго праявах, а таксама адлюстраванне найважнейшых падзей у айчыннай гісторыі, пачынаючы са старажытнасці і да нашых дзён.
Прэзентацыя прайшла на адным дыханні. Прысутныя былі задаволены пачутай карыснай інфармацыяй ад аўтара, гаворыць Алена Лапцёнак:
– Валодзя – адзін з найгрунтоўнейшых людзей, якія вось падыходзяць да нашага гістарычнага мінулага і цяперашняга стану. Усё гэта заснавана на нацыянальных каранях, каштоўнасцях.
У канцы сустрэчы людзі маглі набыць даведнік з добрымі пажаданнямі ад аўтара і яго аўтографам.
Цалкам матэрыял слухайце ў далучаным файле:
Беларускае Радыё Рацыя
