Хаб «Новая зямля» у Беластоку стаў месцам, дзе адбыўся невялічкі беларускі перадкалядны кірмаш.
Сваімі ўражаннямі пра кірмаш падзялілася адна з яго арганізатарак Таццяна Савіч:
-Ёсць продажы і гэта галоўнае на кірмашы, каб даць магчымасць зарабіць майстрам. А яшчэ ёсць кантакты, бо тут у асноўным людзі, якія ўвогуле першы раз прымаюць удзел у кірмашы. Людзі абменьваюцца кантактамі, размаўляюць.
Адна з майстрыц, Валерыя Шкода, распавядала пра свой тавар на гэтым кірмашы:
-Я раблю папяровых павукоў. І сёння ў мяне ёсць навіначка – мы робім цацкі на ялінку. Маленькі пакуначак, дзе ёсць усе неабходныя дэталькі, і можна зрабіць самому, упрыгожыць як заўгодна. Таксама прапаную набыць падарункавыя боксы для вялікага павука, каб зрабіць самому. Там ёсць інструкцыя, усе неабходныя матэрыялы, завушнічкі.
Агулам за дзень кірмаша ў Хаб «Новая Зямля» завітала больш за паўсотню наведнікаў, большая частка з якіх завітала ў гэтую прастору ўпершыню.
Цалкам матэрыял:
Беларускае Радыё Рацыя
