24-га студзеня ля будынка Міністэрства замежных справаў Рэспублікі Польша ў Варшаве праходзіць пікет. Мэта – зварот да польскіх уладаў, каб заняць больш рашучую пазіцыю ў адносінах да рэжыму Лукашэнкі, ажно да перакрыцця чыгункі для грузавых цягнікоў з Беларусі.
Кажа арганізатар, стваральнік Нацыянальнай дэмакратычнай платформы, палітычны дзеяч Анатоль Фёдараў:
–Запрашаюцца ўсе, для каго гэтая праблема актуальная, хто лічыць сваім абавязкам падтрымаць людзей, якія знаходзяцца ў турмах, дапамагчы ім вызваліцца. Могуць далучыцца любыя арганізацыі, не толькі людзі – мы нікога не абмяжоўваем. Зварот да польскіх уладаў, каб яны занялі больш цвёрдую пазіцыю ў адносінах да рэжыму Лукашэнкі, паколькі за кратамі ўтрымліваюцца польскія грамадзяне, не толькі беларускія.
Беларускі пікет праходзіць 24-га студзеня з 14.00 да 16.00 каля будынку Міністэрства замежных справаў (Jana Chrystiana Szucha 23) у Варшаве.
Цалкам гутарка ў далучаным гукавым файле:
Беларускае Радыё Рацыя
