У Беластоку завяршылася першая фаза праекта па ахове магіл беларускіх дзеячаў культуры і гісторыі. Дзякуючы падтрымцы неабыякавых беларусаў з Падляшша і з Беларусі, ініцыятыве ўдалося сабраць 8444,27 злотых.
Кажа прадстаўнік ініцыятывы, краязнаўца Аляксей Трубкін:
–Ініцыятыва паспяхова здзейсніла ўсе мэты, нават больш. Калі б не грамадскі актывізм і зацятасць нашых сяброў, то з гэтага нічога б не атрымалася. Аплачаны месцы пахаванняў, зроблена рэканструкцыя магілаў Сяргея і Лявона Богушаў. Адбудзецца экскурсія 20-га і 27 красавіка. Можна прыйсці і пабачыць, як цяпер выглядаюць магілы.
Урачыстая экскурсія з прэзентацыяй вынікаў праекта адбудзецца ў нядзелю, 20 красавіка, а 12:00 на Усіхсвяцкіх могілках у Беластоку (вул. Высоцкага, 1). Агульны збор — ля галоўнага ўваходу.
Цалкам гутарка:
Беларускае Радыё Рацыя
