Польскія памежнікі затрымалі грамадзянку Беларусі, якая правяла ў краіне без законных дакументаў 303 дні. Разам з ёй былі затрыманыя яшчэ 10 замежнікаў з Індыі, Грузіі, Бангладэш, Інданезіі, Малдовы і Узбекістана. Усе парушальнікі атрымалі распараджэнне пакінуць тэрыторыю Польшчы на працягу 30 дзён. Акрамя таго, ім забаронены ўезд у краіны Шэнгенскай зоны на тэрмін ад аднаго да двух гадоў.
